Muestra d’espectáculos

N’Aire la visibilidá de lo tradicional y/o popular sofítase nuna idea central o llinia d’acción que ye la que nos lleva a la creación de les coreografíes y de les secuencies que nella se dan. Pártese de la idea del ruinismu o post-catástrofe, y identifícase cola realidá inmediata; esto ye, el sitiu onde se desenvuelve l’acción realmente, nesti casu identificable con Asturies, que carez les consecuencies del abandonu y del olvidu; dende esa situación inicial trátase de perfilar un horizonte nuevu onde se puedan reconocer les vivencies nueves d’una manera clara y nítida.
Pa llegar a esti puntu, la dramaturxa empezó a crease a partir de “secuencies de memoria”. Partiendo de la premisa de la verdá escénica, estes secuencies, que van coincidir coles que se presenten nel espectáculu final, trátense como cachos de realidá perdida nun caos, como marques nes que nos reconocemos.

La compañía:

En 1992 empieza como compañía semi-profesional y en 1997 profesionalízase dafechu.

La so versatilidá ye una fortaleza. Con más de cincuenta espectáculos estrenaos, de tou tipu d’estilos y pa tou tipu de públicos (infantil, clásicu, cai, danza contemporánea, comedia del arte, ópera…).

Dientro del so repertoriu hai una atención especial al teatru asturianu y en llingua asturiana, siendo encuadrables más o menos la metá de los espectáculos dientro d’esa llinia tresversal. La investigación sobre formes nueves tamién ocupa un sitiu destacáu dientro del llabor de la compañía. Otros aspectos importantes de la so actividá son el formativu y l’animación y organización d’eventos pequeños.

Ficha artística:

• Intérpretes: Izar Gayo, Ana Serna, Lauren Atanes
• Coreografía: Izar Gayo, Ana Serna, Lauren Atanes
• Idea orixinal y dramaturxia: Inmaculada Rodríguez
• Espaciu sonoru: Antón Caamaño
• Gaiteru: Illán Escalada
• Poemas: Ignaciu Llope, Marta Mori, Antón García y Pablo Texón
• Música: Variaciones sobre Per el camín del puertu, Tonada popular, Añada A los campos del rei (Popular), Soberana Alta la cara: Carlos Rubiera
• Espaciu escénicu: Producciones Nun Tris
• Vestuariu: Aia del Castillo
• Iluminación: Lauren Atanes, Inma Rodríguez
• Dirección escénica: Inmaculada Rodríguez
• Diseñu gráficu: Gloria Caamaño, mg.lab
• Producción, Xestión y distribución: Producciones Nun Tris