Bases pa la escoyeta de proyectos 

Convocatoria escoyeta espectáculos pa Escena en Rede, Muestra d’Artes Escéniques

Artes escéniques

L’oxetu d’esta convocatoria ye la escoyeta de proyectos artísticos y culturales pa que participen na I Muestra d’Artes Escéniques Asturies, Cultura en Rede

7/03/2023.- Al traviés d’Escena en Rede, Muestra d’Artes Escéniques búscase crear un espaciu d’alcuentru profesional y comercial. D’esta manera va mostrase una programación oficial d’espectáculos variada, equilibrada y atractiva, onde primen la calidá, la innovación y la creatividá, una escoyeta de presentaciones dinámiques, un espaciu dedicáu a alcuentros profesionales comerciales y una acción formativa profesional.

Con esta convocatoria establécense les bases y requisitos qu’han rexir el procedimientu pa escoyer los espectáculos que van programase con respetu a los principios de publicidá, llibre concurrencia y oxetividá.

La documentación requerío ha presentase esclusivamente al traviés del rexistru creáu con esa mira, accesible al traviés de la URL http://panel.asturiesculturaenrede.es a partir del martes 7 de marzu del 2022 a les 08:00 h.

Nun van almitise propuestes que s’unvien al traviés d’otres canales.

La hora y fecha tope de presentación de les solicitúes van ser les 12:00 hores del llunes 20 de marzu del 2023. Desque remate’l plazu de solicitú, la plataforma va quedar inhabilitada pa facer cualquier clas de cambéu na documentación presentao hasta que la convocatoria se resuelva.

Descargar la convocatoria equí.

Descargar l’anexu equí.

Resolución

31/03/2023.- Con fecha 29 de marzu aconceyó la comisión de valoración de la convocatoria pa la selección d’espectáculos que se van programar n’Escena en Rede, muestra d’artes escéniques que se va facer en Llaboral Ciudá de la Cultura ente’l 23 y el 26 de mayu del 2023.

El total de candidatures recibíes xube a 37.

L’oxetu de la convocatoria yera diferenciar ente “proyectos seleccionaos” y “proyectos non seleccionaos”, proponer un espaciu dientro de Llaboral Ciudá de la Cultura pa exhibilos y dexar preseleccionaos dalgunos proyectos por si dalgún de los seleccionaos causa baxa.

Descargar la resolución provisional equí.