A lo llargo del desenvolvimientu de la muestra van facese Presentaciones d’espectáculos, sesiones curties onde los creadores pueden mostrar los sos proyectos a los programadores, distribuyidores y otros profesionales que vaigan a la muestra.

Les presentaciones van tener llugar nel Paraninfu de la Llaboral el vienres 26 de mayu a partir de les 13.00 hores, nel Paraninfu de la Llaboral.

Cola mira de facilitar la participación de profesionales de fuera del Principáu d’Asturies, los profesionales rexistraos tamién van poder siguir les sesiones de manera online.

Condiciones de participación:

• Tolos proyectos artísticos que se presenten han tar inscritos nel Catálogu de l’Actividá Escénica Profesional Asturiana.
• Van escoyese un mínimu de 20 presentaciones. El criteriu de selección va ser l’orde d’inscripción, teniendo prioridá aquellos profesionales que tean interesaos y tengan proyectos que, siendo presentaos a la convocatoria, nun resultaren escoyíos.
• Va haber sitiu pa proyectos artísticos de teatru, danza, circu, maxa, teatru d’oxetos y títeres, de formatos, estilos y públicu oxetivu variaos, presentaos por compañíes profesionales o distribuyidores d’espectáculos.
• Namás va aceptase una propuesta por participante.
• Cada participante va disponer de 6 minutos de presentación y va poder usar material audiovisual de sofitu.

Les inscripciones en les Prsentaciones van facese n’apartáu Área Profesional d’esta web del 17 al 28 d’abril del 2023.