Escena en Rede, Muestra d’Artes Escéniques ye un proyectu enmarcáu n’Asturies, Cultura en Rede que naz en 2023 cola mira de crear un espaciu d’alcuentru profesional y comercial pa:

• Ayudar a la dinamización del sector de les artes escéniques del Principáu d’Asturies, xenerando espacios pal debate y la reflexón nuna contorna dinámica.
• Desenvolver una acción de mediación cultural pa estimular la dinámica comercial ente compañíes asturianes y programadores, pensada pa escoyer espectáculos pa programalos nel territoriu y facilitar la comunicación, cooperación y intercambéu ente artistes y instituciones.
• Potenciar estilos nuevos de creación, llinguaxes nuevos y, sobre manera, proyectos novedosos qu’arriquezan el panorama escénicu.

El desenvolvimientu de la segunda muestra va facese en Llaboral Ciudá de la Cultura, en Xixón, ente’l 24 y el 27 de payares del 2025 y va tener una programación oficial d’espectáculos variada, equilibrada y atractiva, una escoyeta de presentaciones dinámiques, un espaciu dedicáu a alcuentros profesionales comerciales y una acción formativa profesional.

Escena en Rede ye un proyectu impulsáu dende la Conseyería de Cultura, Política Llingüística y Deporte, al traviés de la Sociedá Pública de Xestión y Promoción Turística y Cultural del Principáu d’Asturies.