Muestra d’espectáculos

La parábola del carbón ye un proyectu d’artes escéniques producíu por La Térmica Cultural y la compañía Saltantes Teatro.

Esta obra enmárcase no que se denomina teatru documentu, quier dicise, una ficción abierta qu’avanza en función de les aportaciones y les entrevistas que los creadores reciben a lo llargo del procesu d’escritura y desenvolvimientu.

Juan, un periodista qu’investiga los efectos del carbón na so comunidá, vuelve a casa depués de munchos años. Fai una fiesta col grupu d’amigues y amigos de la escuela. Van revivir la so infancia, comparando los sos recuerdos na escombrera de carbón, en clas, los sos problemes, les coses bones... y munches coses nes que nunca pararen a pensar. ¿Cómo influirá esta reunión na investigación de Juan sobre los efectos de la industrialización y el cambéu xeneracional?

La compañía:

Saltantes Teatro ye una compañía profesional de teatru que naz n’Asturies nel añu 2013 de la mano de Luis Alija y Nerea Vázquez. L’actividá principal de la compañía ye la producción d’espectáculos teatrales. Indistintamente tamién realiza eventos y animaciones de toa clas pa entidaes variaes.

La compañía cunta con un repertoriu ampliu d’espectáculos.

Ficha artística:

• Idea orixinal, dirección y autoría: Luis Alija
• Responsable teatru documento: Mayra Fernández 
• Coreografía y movimientu escénicu: Lucas García
• Intérpretes: Alba Cavero, Enrique Dueñas, Pedro Fernández, Jesús Lavi, María Prendes
• Vestuariu y caracterización: Azucena Rico
• Escenografía: Nuria Trabanco
• Iluminación: Carlos Dávila
• Ayudante de producción: Carla Loga
• Producción: Saltantes Teatro y La Térmica Cultural