Directora del Teatru de Barakaldo (Bizkaia) dende’l 2018, Ana López Asensio foi más de 14 años directora del Área de Cultura y Mocedá del Conceyu de Leioa (Bizkaia), dende onde asumió la xestión executiva integral d’equipamientos municipales y la dirección artística de programes culturales como Umore Azoka-Feria d’Artes de Cai.

Manuel González ye coordinador de programes de l’Asociación CIVITAS y lleva vinculáu dende l’añu 1998 a la Feria de Teatru de Castiella y Llión en Ciudad Rodrigo, que dirixe dende l’añu 2012. Ye programador del Teatru León Felipe de Sequeros (Salamanca) dende l’añu 2003.

Directora, baillarina y coreógrafa, con más de 30 años de trayectoria profesional, Estrella García ye una de les precursores de la danza contemporánea n’Asturies. Dende los años 80 firma más de 70 trabayos pa producciones de danza, teatru, zarzuela, ópera y musical, que xiraron a nivel nacional y internacional. Amás, fai talleres y cursos especializaos n’España y l’estranxeru.

María Ángeles García Cabello ye técnica de Cultura del Conceyu d’Albacete dende va más de 30 años, dende onde coordina’l Consorciu Cultural d’Albacete. Como coordinadora de la Comisión de Redes y Circuitos de La Red, trabaya xunto a les demás redes y circuitos d’equipamientos teatrales y musicales a nivel estatal p’ameyorar les sos dinámiques internes y recopilar información sobre’l so funcionamientu.