Muestra d’espectáculos

Hamlet, ser o nun ser. ¿Qué tien esti príncipe danés que tolos actores y actrices muerren por interpretalu? ¿Ye un drama fondu o un culiebrón de palaciu? ¿Hamlet ta llocu o faise?

Arantxa, Hugo y Patricia, una troupe d’actores con más atrevimientu que talentu, deciden encarar ún de los mayores retos de la so carrera: ¡facer Hamlet a la so manera! ¿Serán quién a nun se matar ente ellos primero d’acabar la obra? ¿Perderánse nun mar de monólogos eternos o sacarán p’alantre la función más absurda y prestosa de la so carrera?

Con una puesta n’escena alloriada, un toque musical y participación del públicu, esta versión de “Hamlet” promete ser una montaña rusa de risaes y sorpreses.

De los creadores de caLORCAlor, llega otra xera imposible. ¿Serán o nun serán quién a ello?

La compàñía:

Más de 18 años d’esperiencia nel campu teatral o audiovisual aválenlos, collaborando activamente coles compañíes profesionales más importantes del Principáu d’Asturies. Nos últimos años trabayaron pa la Fundación Princesa d’Asturies, APACI y Ikea, y tamién s’encarguen de producir espectáculos pa públicu familiar, infantil y adulto. Creen espectáculos/eventos “a la carta” pa empreses como IKEA, colos que collaboren n’eventos dende’l 2017. La enseñanza, dende hai 15 años, ye otru de los pegollos de la so empresa, formando a públicu infantil dende los 4 años nel campu teatral, o preparando al futuru alumnáu nes pruebes d’accesu a les ESAD. Nel añu 2022 estrenaron pa públicu familiar Soy Cenizo y caLORCAlor, Premio Oh 2023 como Meyor espectáculu pa la infancia, seleccionáu pa FETEN 2023, y espectáculu recomendáu y pre-seleccionáu por Camín Escena Norte. Profesionalidá, esperiencia y munchu trabayu son la seña d’identidá del so proyectu.

Ficha artística:

• Dirección: Patricia Rodríguez
• Dramaturxia: Patricia Rodríguez, Arantxa Fernández Ramos y Hugo Manso
• Intérpretes: Patricia Rodríguez, Arantxa Fernández Ramos y Hugo Manso
• Iluminación: Alberto Ortiz San Martín
• Escenografía: Tamara Norniella
• Espaciu sonoru y composición: Carla Armas
• Vestuariu: Azucena Rico
• Diseñu gráficu y fotografía: Muel de Dios
• Producción: Guayominí Producciones
• Ayudantía de Producción: Hugo Manso