Muestra d’espectáculos

Un viaxe maraviyosu pela historia del arte que va dende los bisontes d’Altamira hasta les últimes vanguardies artístiques, tou un percorríu didácticu que se fai en clave d’humor y tamién en clave de xéneru, porque nun tán presentes namás los grandes maestros como Picasso, Van Gogh, Velázquez, Miguel Ánxel o Da Vinci, tamién tán les grandes muyeres pintores como Tamara de Lempika, Sofonisba o Frida Kahlo, autores d’obres que foron obviaes munchu tiempu.

Un espectáculu prestosu y didácticu pa neños y neñes, onde l’arte universal ye la sida perfecta pa estimular la comunicación, la creatividá, la percepción, la sensibilidá y la espresión. ¡Y too con una sonrisa!

La compañía:

Espectáculos Arlequina ye una empresa asturiana creada nel 2008 dedicada a la creación y xestión d’artes escéniques. El so oxetivu ye tar al serviciu de les artes escéniques, porque ta demostrao que la música, la danza, el teatru o cualquier disciplina d’artes escéniques en vivo facilita la comunicación ente les persones, son un instrumentu d’aprendimientu y trespasen fronteres visibles y invisibles.

La Líquida ye’l nome comercial de David García Intriago, dramaturgu y actor asturianu. El so trabayu caracterízase pola creación d’espectáculos contemporáneos enllenos d’humor con música en directo, en busca constante d’una realidá teatral n’evolución continua. Puestes n’escena pures, íntimes, emocionantes y de muncha guapura plástica y poética, pero perriba de too la risa como puntu de partida imprescindible pa cuntar histories y conectar col públicu.

Ficha artística:

• Idea orixinal, autor y dirección: David García-Intriago
• Intérpretes: Susana Almahano y Pape Labraca
• Dramaturxia: Susana Almahano y David García-Intriago
• Luz y soníu en xira: Pedro Hofhuis
• Espaciu escénicu: David García-Intriago
• Danza: Susana Almahano
• Vestuariu: Maribel Fernández y Mari Carmen Martín
• Escenografía: "El Paco"
• Producción y distribucción: Espectáculos Arlequina-La Líquida