Muestra d’espectáculos

A les 10:30 h va llevar a cabu  un "aperitivo" de la obra

Dormiyosos ye una manera de recordar daqué que l’alma yá conoz. Oficios y voces qu’habiten la nuestra memoria, animales colos que compartimos la nuestra tierra, llugares d’una infancia onde too yera y ye, como na película de Judy Garland, posible.

La obra estructúrase como una instalación escénica ensin palabres onde l’espectador pue pasiar, observar, reaccionar, recordar, conocer...

Los personaxes, a la metá de camín ente animales y seres humanos, accionen a lo llargo d’un pigazu eternu oficios inspiraos en dalgunos otros más tradicionales (ferreros, cesteros, acebacheros,madreñeros...) onde’l suañu s’entemez cola realidá, faciendo sitiu a la fantasía.

Vistíos con elementos de la indumentaria tradicional y calzaos con unes madreñes que, como los zapatos coloraos de Dorothy n’El magu d’Oz, van facelos percorrer el camín ente’l recuerdu, los suaños y la realidá.

La compañía:

Factoría Norte ye una productora y compañía profesional asturiana de teatru y danza. Empezó la so trayectoria en 1998, cola intención de producir espectáculos nuevos y organizar n’Asturies eventos de calter artísticu que dexaren esparder ciertos movimientos creativos que, en determinaos casos, por falta d’una tradición arraigada nel Principáu, yeren más desconocíos pal públicu. Esto llevó a Factoría Norte a trabayar, dende la so creación, con una montonera de llinguaxes escénicos, dientro y fuera del Principáu d’Asturies. Asina, impulsó la creación de montaxes qu’axunten artes plástiques, títeres, teatru y danza, pa la infancia y la mocedá. De cara al públicu adulto, tamién apostó pola interdisciplinariedá artística nes sos propuestes escéniques. Factoría Norte creó más d’una trentena d’espectáculos que se distribuyeron per tol país y gracies a los que llevaron dellos premios, dientro y fuera d’Asturies. Pertenez a l’Asociación Te Veo, a ASSITEJ España, y a Escenasturies. Nel 2024 fixeron 26 años.

Ficha artística:

• Concepción y puesta n’escena: Borja Roces
• Repartu: Ana Morán, Paula Mata, Bea Canteli, Tamara Norniella
• Música y espacios sonoros: Carla Armas
• Diseñu: Juan Hernaz
• Espacios y hábitats: Nuria Trabanco e Isabel Rey Pousada
• Máscares, marionetes y atrezo: Kukas y Gonzalo Mateos
• Vestuariu: Isabeil Rey, Nuria Trabanco
• Asesoramientu indumentaria y imaxen: Román Roces
• Espaciu, diseñu d’iluminación: Gonzalo Mateos
• Comunicación y fotografía: Natalia Muñoz
• Audiovisual: Sergio Arroyo
• Traducción al asturianu: Marián García
• Alministración: Raquel Acosta
• Xestión: Afisco CB
• Producción: Carmen Gallo
• Difusión: Trikitroke GC