ADA BYRON: LA TEJEDORA DE NÚMEROS de La Westia Producciones
22/10/2024 10:15
Muestra d’espectáculos
Xéneru: títeres
Dirixíu a: públicu familiar
Duración: 50 minutos
Llingua: castellana
Retirada d’invitación na Llaboral en Xixón, nel Centru d’Información Turística del Principáu (CITPA) n’Uviéu, nel Centru Niemeyer n’Avilés, vía telefónica en el 952 076 262 y en unientradas.es
Nesti espectáculu repásase la vida d’Ada Byron (tamién conocida como Ada Lovelace), fía del poeta románticu Lord Byron y considerada como la ma de la informática actual.
Ada Byron foi una auténtica visionaria, adelantada al so tiempu. El so talentu convirtióla nuna precursora de la informática, construyendo’l primer programa d’ordenador cuando los términos "programa" y "ordenador" nun teníen les acepciones que güei conocemos. Vio nel proyectu de Charles Babbage dalgo muncho más potente de lo qu’él mesmu creyía y ayudó a poner les bases de la informática actual.
La compañía:
La Westia Producciones ye una compañía teatral que s’inscribe como tala a últimos del añu 2019, siendo la propietaria Isabel Marcos Fernández. Sicasí, los sos componentes son toos actores profesionales con esperiencia escénica y formación actoral importante.A pesar de ser una compañía relativamente nueva, los sos trabayos tán bien consideraos y va creando una seña d’identidá propia, con espectáculos bien cuidaos y innovadores en tolos llinguaxes escénicos.
Producieron dellos espectáculos y llograron reconocimientos variaos. Nel 2023 estrena Ada Byron: La Tejedora de Números, con testu inéditu, llevando’l Premiu Xovellanos a la Producción Escénica por esti proyectu.
La Westia Producciones busca ufiertar al públicu producciones propies de temática variada, construyíes con profesionalidá, inxeniu, orixinalidá y dominiu de los diferentes llinguaxes escénicos, puestos al serviciu del espectáculu. Too ello impregnao d’unes señes d’identidá propia poles que la puedan reconocer.
Ficha artística:
- Repartu: Ici Díaz (Ada Byron), Francisco Pardo (Lord Byron), Isabel Marcos (Annabella-Lady Byron) y César Alonso (Charles Babbage)
- Autor: César Alonso
- Dirección: Ernesto Arias
- Ayudante de dirección: Xana del Mar
- Escenografía: Nuria Trabanco
- Vestuariu: Azucena Rico
- Proyecciones y diseñu d’iluminación: Pelayo Rodríguez
- Creación de conteníos de proyección: Cristina Busto
- Espaciu sonoru: Mario Viñuela
- Diseñu gráficu: Carlos Arias (Espiral 8)
- Fotografía: Juan Menéndez
- Producción: Las Westia Producciones
