Muestra d’espectáculos

Una fola nueva de quemes afara Asturies. Nora vuelve al sitiu máxicu onde xugaba cuando yera pequeña, l’horru de so güela, decidida a salvalu del fueu y de lo que seya.

Al llegar, la so imaxinación dispárase. Les histories escondíes nos rellavicos d’estes construcciones centenaries empiecen a garrar vida mentes les pieces se tresformen en personaxes sorprendentes. Pero’l peligru acecha otra vez y Nora enfréntase a los pirómanos cola ayuda de los sos amigos los páxaros y del públicu, a quien va convertir en guardianes del horru.

La compañía:

Depués d’años trabayando en delles compañíes y en montaxes d’estilos mui diversos, Verónica Gutiérrez siente la inquietú de mostrar una visión personal, apostando pol humor y la música como elementu vertebral nos sos espectáculos, al empar que fai una crítica reflexiva sobre temes d’actualidá.

Ficha artística:

• Autor: Verónica Gutiérrez
• Iluminación y soníu: Ernesto Argüelles y Óscar Álvarez
• Repartu: Verónica Gutiérrez y Marion Le Bihan
• Escenografía: Carpintería La Escual y Tamara Norniella
• Vestuariu: Llucía Miravalles (Ringo Rango)
• Diseñadora gráfica: Sara Leal
• Vocal coach: Ruth Suárez
• Edición de soníu: Ángel Secades
• Comunicación: Melodijopérez
• Fotografía: Mercedes Menéndez 
• Producción: É Vero Teatro