Tolos profesionales que quieran participar o asistir al I Alcuentru Escena en Rede, Muestra d’Artes Escéniques que va ser en Llaboral Ciudá de la Cultura del 23 al 26 de mayu del 2023 pueden inscribise nesti apartáu hasta esti llunes 15 de mayu del 2023.

La programación prevista na muestra ta pensada pa que puedan participar programadores, xestores culturales, redes de teatru, compañíes, artistes, prensa o estudiantes, ente otros. Al traviés d’esti formulariu van poder manifestar les preferencies de participación y la organización va contactalos lo primero posible al traviés del corréu electrónicu confirmando los servicios solicitaos.

Les instituciones o empreses interesaes en participar nes Presentaciones d’espectáculos y los Speed Meetings han tener en cuenta, amás, los plazos específicos d’inscripción indicaos nos apartaos correspondientes.