Nel marcu d’Escena en Rede, Muestra d’Artes Escéniques tamién van entamase Speed Meetings con axenda cola mira de promover los intercambeos comerciales ente empreses (compañíes y distribuyidores) y los programadores y xestores culturales. Los alcuentros van tener llugar el martes 23 de mayu a partir de les 13.00 hores, na Sala 2 de la Llaboral.

Los profesionales que quieran participar van poder apuntase n’apartáu Área Profesional d’esta web del 17 al 28 d’abril del 2023. Desque se confirme l’asistencia de los programadores y xestores culturales, amás de la so disponibilidá pa desenvolver los alcuentros, la organización va contactar colos interesaos pa zarrar tolos detalles.

La participación va ser limitada y va tenese en cuenta l’orde d’inscripción.