Geometría del Alma ye una fusión ente teatru visual, danza contemporánea y manipulación d’oxetos qu’espresen la rellación ente les formes xeométriques simples y el cuerpu humanu, un cuerpu que va tentar de dar alma a la xeometría pa poder comprender la xeometría del alma que ta dientro d’él.

Una teoría alternativa al principiu del universu y la evolución de les formes y la vida hasta llegar al ser perfectu.

La compañía:

Teatro PLUS ye un grupu profesional de teatru y de marionetes pa neños y neñes. Fundada nel añu 1997, en toos estos años la compañía esperimentó con dellos tipos de teatru: dende un musical divertíu con marionetes nel espectáculu dinámicu Muy Sabroso, hasta la técnica complicada del teatru de solombres en La Leyenda del Farol, la mezcla inusual ente los xéneros clown y marioneta nel espectáculu El Tiempo Perdido o l’usu de la materia vivo como la masa de pan, faciendo títeres con ello en Pan.

Tolos sos espectáculos tienen daqué en común. Una bona historia que cuntar, un problema que tratar, sentíu del humor y les marionetes como mediu principal d’espresión. Geometría del alma ye un proyectu nuevu d’Alek Churchich, el so debut como autor y el so primer espectáculu en solitario n’escena.

Ficha artística:

• Autoría: Alek Churchich
• Dirección: Olga Zeceva
• Escenografía: Alek Churchich
• Composición musical: José Ramón Feito
• Espresión corporal: Ana Serna
• Diseñu d’illuminación: Alberto Ortiz
• Intérprete: Alek Churchich