Marcelino convirtióse nun coleccionista espertu d’alcordances. Son los sos tesoros más preciaos, que guarda, ordena, clasifica, curia, protexe… Vive namás que pa esto, ancláu nel so pasáu, enzarráu na propia cabeza. Alcuérdase de contino de caún d’aquellos bonos momentos, aquellos instantes d’allegría, de risa y felicidá. Eso convirtiólu nun personaxe singular, estravagante, tienru y fuín al tiempu. Marcelino ábrenos la puerta del so universu, un mundu máxicu, con bien d’estantes y caxones enllenos de coses guapes, alcordances que nun quier perder. Esta obsesión testerona fainos rir, mentes que la so fraxilidá emociónanos.

Una obra de teatru pa tola familia enllena de fantasía, sentimientu, maxa y humor.

La compañía:

La compañía d’Adrián Conde naz nel 2006. Gracies a la so formación en circu, espresión corporal, malabares, clown, mimu y maxa, llogra fusionar de manera particular toes estes disciplines, consiguiendo espectáculos distintos, orixinales, onde s’entemecen l’habilidá del prestidixitador cola mirada tienra del clown.

Participó nos festivales y feries de teatru y maxa más importantes tanto a nivel nacional como internacional y los sos espectáculos foron representaos en más de 25 países, siendo gallardonaos en delles ocasiones.

Dende va unos años forma parte de l’Asociación Te Veo dedicada a promover les artes escéniques na infancia y na mocedá, de l’Asociación de Teatru Profesional EscenAsturias y de la Sociedá Oviedo Mágico.

Tamién ye representante n’Asturies na Fundación de Magos Solidarios Abracadabra, dedicada a facer proyectos en centros de mayores, hospitales, asociaciones y albergues de neños.

Ficha artística:

• Autor: Adrián Conde y Pep Vila
• Director y coautor: Pep Vila
• Asistente de dirección: Félix Corcuera
• Intérpretes: Adrián Conde y Nacho Camarero
• Escenografía: Vicente Villar, Juana Marrón y Baikal Creación
• Técnicu d’illuminación: Álvaro Celemín
• Diseñu d’illuminación: Rubén Rayán
• Grabación de videu, fotografía y diseñu de soníu: Javier Lueje
• Vestuariu: Azucena Rico
• Producción executiva: Carolina Bello
• Producción audiovisual: Lluz, Micro y Puntu
• Técnicu de soníu: Jorge Castañón
• Diseñu gráficu: Pablo Antuña
• Diseñu web: Prisma ID