14/04/2023.- Los profesionales que quieran participar o asistir a Escena en Rede, Muestra d´Artes Escéniques pueden inscribise a partir del llunes 17 d’abril del 2023.

La Muestra, que se va facer del 23 al 26 de mayu en Llaboral Ciudá de la Cultura, ta dirixida a programadores, xestores culturales, redes de teatru, compañíes, artistes y comunidá educativa. El programa incluye la representación d’espectáculos pa tolos públicos, una selección de presentaciones dinámiques, un espaciu destináu a alcuentros profesionales comerciales y una acción formativa sobre mediación n’ámbitu de les artes escéniques.

Pa formalizar la inscripción ha rellenase esti formulariu coles preferencies de participación y la organización va contactar al traviés del corréu electrónicu confirmando los servicios solicitaos.

Les instituciones o empreses interesaes en participar nes Presentaciones d'espectáculos y los Speed Meetings han tener en cuenta amás los plazos específicos d’inscripción indicaos nos apartados correspondientes de la web.

L’accesu a les actividaes ye gratuitu. Va dexase accesu de públicu xeneral y colectivos organizaos hasta enllenar aforu; nesi casu nun ye menester una inscripción previa, sacante pa grupos de más de 20 participantes.