• P’asistir ye menester acutar a partir del llunes 17 d’abril

14/04/2023.- Escena en Rede, Muestra d’Artes Escéniques, ufierta dos espectáculos gratuitos pa públicu escolar los díes 23 y 24 de mayu nel Teatru de la Llaboral.

Adrián Conde va representar el martes 23 de mayu, a les 10.15 hores, la obra Recuerdos, un cuentu fantásticu sobre les emociones y la resiliencia, qu’invita a reflexonar sobre la importancia que tien la intelixencia emocional y el saber xestionala.

Teatro Plus va mostrar el miércoles 24 de mayu, a les 10.15 hores, el so espectáculu Geometría del alma, una fusión ente teatru visual, danza contemporánea y manipulación d’oxetos qu’espresen la rellación ente les formes xeométriques simples y el cuerpu humanu, un cuerpu que va intentar dar alma a la xeometría pa poder comprender la xeometría del alma que tien dientro.

P’asistir a estes actividaes fai falta una reserva previa que se va poder facer a partir del llunes 17 d’abril unviando esta solicitú per corréu electrónicu promocioncultura@turismoycultura.asturias.es. Les places, limitaes, van asignase rigorosamente por orde d’inscripción.

Recuerdos d’Adrián Conde

• Dirixíu a: a partir de 2.^u ciclu d’Educación Primaria y Educación Secundaria.
• Sitiu: Teatru de la Llaboral.
• Sinopsis, información sobre la compañía y ficha artística, disponible equí.

Geometría del alma de Teatro Plus 

• Dirixíu a: a partir de 3.^er ciclu d’Educación Primaria y Educación Secundaria.
• Sitiu: Teatru de la Llaboral.
• Sinopsis, información sobre la compañía y ficha artística, disponible equí.