Muestra d’espectáculos

Una baillarina y un cubu de tela va abriéndose y tresformándose asemeyando un origami mentes la banda sonora va evolucionando al ritmu de los movimientos.

Oda al vientu y al cambéu.

Un cascarón que viste, protexe y escuende.

A veces apégasenos y a veces escapa.

¿Si la nuestra piel pudiere espresase, qué diba cuntar?

L’oxetivu d’esta obra ye mecer la danza, les artes plástiques y la música ensin qu’entren en competición, ensin que se pisen. Que cada disciplina cumpla la so función al serviciu d’un oxetivu común: la tresformación.

L’espectáculu compónse de trés partes: Llevar, descubrir y desfacese.

Trátase d’un espectáculu dirixíu a tolos públicos que va cautivar tanto a pequeños como a mayores polo cenciella que ye. Una obra que dexa a cada persona interpretar llibremente, lo que permite una accesibilidá mayor a esti xéneru (la danza unida a les artes plástiques).

La compañía:

Baxo’l nome de caMarion esta compañía axunta proyectos artísticos en desenvolvimientu que traten de dinamizar el mundu rural integrando l’arte na vida cotidiana. Al traviés de los sos trabayos busca dar la oportunidá a cada persona d’averase al mundu artísticu, amás de fomentar la integración de les muyeres y la interacción con otres cultures.

Ficha artística:

• Repartu: Marian Le Bihan Gignet
• Música: Marian Le Bihan Gignet
• Composición y coreografía: Marian Le Bihan Gignet